គណៈកម្មការអភិវឌ្ឍន៍សេដ្ឋកិច្ចមូលដ្ឋានថ្នាក់កណ្តាល នៃសមាគមសហព័ន្ធយុវជនសេដ្ឋកិច្ចកម្ពុជា នឹងអនុវត្តការងារផ្តោតលើមុំធំៗ៣ គឺបណ្តុះបណ្តាលវិជ្ជាជីវៈ ការបង្កើនការងារ-មុខរបរ និងអភិវឌ្ឍអាជីវកម្ម-សេដ្ឋកិច្ចនៅមូលដ្ឋាន
(ភ្នំពេញ)៖ លោកឧកញ៉ាបណ្ឌិត សាង អ៊ាប អនុប្រធានទី២ក្រុមប្រឹក្សាភិបាលសមាគមសហព័ន្ធយុវជនសេដ្ឋកិច្ចកម្ពុជា ត្រូវបានបោះឆ្នោតផ្តល់សេចក្តីទុកចិត្តជាប្រធានគណៈកម្មការអភិវឌ្ឍន៍សេដ្ឋកិច្ចមូលដ្ឋានថ្នាក់កណ្តាល នៃសមាគមសហព័ន្ធយុវជនសេដ្ឋកិច្ចកម្ពុជា ហើយដែលគណៈកម្មការនេះផ្តោតលើមុំធំៗ៣ គឺការងារបណ្តុះបណ្តាលវិជ្ជាជីវៈ ការបង្កើនការងារនិងមុខរបរដល់ពលរដ្ឋនៅមូលដ្ឋាន និងការអភិវឌ្ឍអាជីវកម្មនិងសេដ្ឋកិច្ចនៅមូលដ្ឋានឱ្យមានការរីកចម្រើនលើគ្រប់វិស័យ ក្នុងនោះក៏មានការងារលើផ្នែកកសិកម្មនៅមូលដ្ឋានផងដែរ។ ពិធីប្រកាសតែងតាំងត្រូវបានធ្វើឡើងកាលពីចុងសប្តាហ៍មុន ក្រោមអធិបតីភាព លោកឧកញ៉ាសមូហកបណ្ឌិត ឡី សុភាព ប្រធានក្រុមប្រឹក្សាភិបាលសមាគមសហពន្ធ័យុវជនសេដ្ឋកិច្ចកម្ពុជា និងជាប្រធានសមាគមសម្ពន្ធភាពអង្គការ-សមាគម និងវិស័យឯកជននៅកម្ពុជា នៅទីស្នាក់ការសមាគមសហពន្ធ័យុវជនសេដ្ឋកិច្ចកម្ពុជា ខណ្ឌជ្រោយចង្វារ រាជធានីភ្នំពេញ។ ក្នុងឱកាសនោះ លោកឧកញ៉ាបណ្ឌិត សាង អ៊ាប តំណាងថ្នាក់ដឹកនាំ និងសមាជិក សមាជិកាដែលត្រូវបានប្រកាសចូលកាន់តំណែងសម្រាប់គណៈកម្មការអភិវឌ្ឍន៍សេដ្ឋកិច្ចមូលដ្ឋានថ្នាក់កណ្តាល បានឡើងប្រកាសប្តេជ្ញាចិត្តលើកស្ទួយការអភិវឌ្ឍចំណេះដឹង និងវិជ្ជាជីវៈក្នុងការវិនិយោគលើគ្រប់វិស័យនៅកម្ពុជាឱ្យរីកចម្រើន…